Cairo Time
وقال خليل في حواره مع برنامج "الرياضة اليوم" الذي يقدمه الكابتن خالد الغندور ويذاع على قناة دريم " هزيمة المنتخب أمام النيجر سببها الشللية داخل الفريق فحسن شحاتة المدير الفني يعشق لاعبين بأعينهم ولا يرغب في غيرهم لذا عندما ينضم لاعب جديد لا يحصل على فرصته ويشعر بالغربة .
وأضاف خليل " حسن شحاتة قال انه سيستقيل ثم تراجع وأنا على يقين أن الاستقالة كانت وهمية فهو يبحث عن الفلوس فلماذا يستقيل ويترك مرتب 6 أشهر كاملة ؟.
وتابع خليل " حسن شحاتة وجهازه شايف تورته قدامه بيقطع منها وفته بيغرف منها يمشى ليه ؟ فاضل على ماتش جنوب أفريقيا 6 أشهر هياخدوا فيها مرتبات من غير ما يعملوا حاجة فيها إيه لما يستحملوا شوية شتيمة وياخدوا الفلوس دى كلها هما كده كده هيتشتموا .
وأضاف " مين هيحاسب الجهاز الفني.. اتحاد المساخر والنهب مش فاضي يحاسب حد كل واحد منهم بيجرى ورا مصلحته وبيشتموا بعض على الهوا وشخصيتهم اضعف من الوقوف أمام شحاتة وجهازه لكي يحاسبوه ".
لمشاهدة الفيديو اضغط هنا
Categories:
